Lekciya 7
.pdf
7-Lekciya. GUI ortalıǵında programmalastırıw. GUI ortalıǵında menyuler hám úskeneler paneli.
Jobası:
1.GUI ortalıǵında programmalastırıw
2.C++ te GUI (grafikalıq paydalanıwshı interfeys)di iske túsiriw
3.Windows Form qosımshasın jaratıw
C++ GUI yamasa C++ grafikalıq paydalanıwshı interfeysi qosımshasın jaratıw ushın bizge C++ GUI qosımshasın qollaytuǵın IDE (ortalıq) zárúr. GUI qosımshasın jaratıw ushın Visual Studio 2019 ortalıǵın paydalanamız, sebebi ol C++ GUI qosımshası ushın jaqsıraq.
C++ te GUI-di iske túsiriw
Ol ushın proektti Visual Studio ortalıǵında jaratamız. Sonıń menen, Visual Studio ortalıǵında proekt jaratıwdan baslaymız. Visual Studio ortalıǵın ashqannan keyin Visual C++ tayar parametrlerin tańlap, reń temasın tańlaw kerek.
Soń biz proekt shablonın qosamız, sonlıqtan CLR Empty Project(.NetFramework) izlew kerek. Bul struktura .Net hám C++ kodı arasında informaciya almasıwdı támiyinleydi.
Keyingi adımda proekttiń atın jazıp, proekttiń ornın tańlawǵa boladı. Bunı juwmaqlaǵannan keyin siz Jaratıw túymesin basıwǵa boladı, sonda proekt jaratıladı.
Windows Form jaratıw
Proekt jaratılǵannan keyin, biz endi Windows forma qosımshasın islep shıǵamız. Ol ushın forma faylın jaratıw kerek. Joqarıdaǵı qatardaǵı Project menyusın basıp, Add New item (jańa element qosıw) komandasın tańlaymız.
Usı adımnan keyin Visual C++ astında UI tańlań, Windows formasın basıń hám forma faylın ashıw ushın “add” (qosıw) túymesin basıń.
Endi siz qosımsha konfiguraciyalardı isleysiz. Taǵı da Project -> Properties túymesin basıw kerek, ol konfiguraciya xarakteristikaların ashadı hám sol jerden Linker punktin tańlap, ashılǵan dizimnen System-di basıń. System-di basqanda ishki sistema opciyası payda boladı hám onı ashılǵan dizimnen tańlaw kerek, sebebi SubSystem operacion sistemaǵa .exe faylın qalay iske qosıw kerekligin aytadı. Ashılǵan qatardan Windows sistemasın tańlaw kerek.
Usı adımnan keyin siz kiriw noqatın tańlawıńız kerek. Sonıń menen, konfiguraciya parametrleri astındaǵı “Qosımsha” punktin tańlap, “Kiriw noqatın” tiykarǵı etip jazıp “OK” túymesin basıń. Kiriw noqatı .exe faylınıń dáslepki adresin bildiredi.
Konfiguraciyalar tamamlanǵannan keyin shep jaq qatardan Myform.cpp faylın basıp, usı faylǵa kodtı qosıń.
Kodı:
#include "MyForm.h" using namespace System;
using namespace System::Windows::Forms; [STAThread]
void main(array<String^>^ args)
{
Application::EnableVisualStyles();
Application::SetCompatibleTextRenderingDefault(false); MyProject::MyForm form;
Application::Run(% form);
}
Joqarıdaǵı kodtı .cpp faylına qoyıwǵa boladı. Bul kod baǵdarlamanıń qalay orınlanatuǵının kórsetedi; MyProject — proekt atı; onı proekt atıńızǵa sáykes ózgertiwińiz kerek. Bul jaǵdayda proekttiń atı Project2 boladı. Sol sıyaqlı MyForm - forma faylınıń atın; onıń forma faylıńızdıń atına sáykes ózgertip, saqlawǵa boladı.
Endi Myform.h túymesin basıń, sonda kodlaw bólegi bar ekenin bayqaysız, biraq forma joq. Sonlıqtan onı saqlap, japqannan keyin Visual Studionı qayta ashıw kerek.
Visual Studionı ashqannan keyin Myform.h túymesin basıw kerek, ayna forması tómendegi súwrette kórsetilgendey payda boladı.
Endi formanı orınlatıw arqalı tekseriwge boladı. Solay etip Windows otladchik (debugger) túymesin basıwǵa boladı hám ol jaqsı jumıs islep tursa, Windows formasına ayırım túymelerdi qosıwdı dawam etiw kerek.
Baqlaw sorawları:
1.GUI degenimiz neni ańlatadı?
2.GUI ortalıǵında programmalastırıw degenimiz ne?
2.C++ te GUI di iske túsiriw hám sazlaw izbe-izligin aytıń?
3.Windows Form-dı jaratıw izbe-izligin túsindiriń?